Utforsk bioetikken
I denne oppgåva skal de fordjupe dykk i eit emne innanfor bioteknologien og utforske det. Oppgåva kan både gjerast individuelt og i grupper.
Forslag til emne
Bioteknologirådet har eigne emnesider der dei skriv om ulike former for bioteknologi og bioetiske spørsmål. Eit stykke ut i artiklane det er lenkja til under, finn de ei skildring av ulike etiske problemstillingar.
Bioteknologirådet: Assistert befruktning
Bioteknologirådet: DNA-analyser i etterforsking og rettsvesen
Bioteknologirådet: Fosterdiagnostikk
Bioteknologirådet: Genmodifiserte planter og mat
Bioteknologirådet: Genredigering og Crispr
Bioteknologirådet: Gentesting av befruktede egg
Bioteknologirådet: Syntetisk biologi
Bioteknologirådet har også emnesider om andre former for bioteknologi. Her beskriv dei ikkje eksplisitt dei etiske problemstillingane som er relevante. Då må de i større grad sjølv finne fram til relevante etiske problemstillingar. Det har til dømes vore ein stor etisk debatt om det er rett å genmodifisere dyr og planter, om det er etisk rett å forske på stamceller og om politiet burde ha eit DNA-register for alle nordmenn, så dei lettare kan løyse kriminalsaker.
Bioteknologirådet: Genmodifiserte dyr
Bioteknologirådet: Genmodifiserte mikroorganismer
Bioteknologirådet: DNA-analyser i etterforskning og rettsvesen
Førebuinga
Vel ei form for bioteknologi. Gi ei kort beskriving av teknologien og kva han kan brukast til.
Beskriv kva for etiske spørsmål denne forma for bioteknologi kan stille oss overfor.
Utforsk trussamfunn og livssynssamfunn
Vel eit trussamfunn eller livssynssamfunn og finn ei eller fleire kjelder. Beskriv trus- eller livssynssamfunnet sitt synspunkt på den forma for bioteknologi de har valt.
Korleis grunngir kjelda eller kjeldene synspunkta? Er det til dømes ved å vise til heilage skrifter eller lover og menneskerettar?
Vurder kjelda eller kjeldene kjeldekritisk. Kva slags kjelde er det? Har ho eit innanfrå- eller utanfråperspektiv? Er ho representativ for trus- og livssynssamfunnet?
Kva er samanhengen mellom dei synspunkta de har funne og sentrale trekk ved det livssynet eller den religionen de utforskar?
Uforsk etiske modellar
Vel ei etisk problemstilling knytt til det emnet de har valt og formuler ho som eit kort og presist moralsk spørsmål. Til dømes: Er det moralsk rett å endre gena til menneske?
Finn relevante argument for og mot det spørsmålet de har valt. Bruk gjerne fleire ulike kjelder for å finne relevante argument.
Vel minst to ulike etiske modellar og diskuter problemstillinga ved hjelp av modellane.
Oppsummering
Diskuter det de har komme fram til i klassen. Diskuter til dømes:
Kva for etiske spørsmål stiller dei ulike formene for bioteknologi oss overfor?
Korleis stiller ulike religonar og livssyn seg til dei ulike formene for bioteknologi?
Er det nokon forskjellar mellom synspunkta og argumenta til ulike relgioner og livssyn? Kvifor? Kvifor ikkje?
Kva er samanhengane mellom synet på bioteknologi og sentrale trekk i religionane?
Korleis kan vi bruke etiske modellar for å diskutere bioetiske spørsmål? Gi konkrete døme.