Oppgåver til den første delen av filmen
Sjå dei første 23 minuttane av filmen My Sister's Keeper, fram til 22.32, og svar på oppgåvene under.
Oppåve 1
Eit etisk dilemma er ein situasjon der ulike verdiar står i konflikt med kvarandre. Kva for dilemma står Anna og foreldra hennar overfor i denne filmen?
Oppgåve 2
Kva for moralsk ansvar har Anna og Kate overfor kvarandre, og kva for moralsk ansvar har foreldra overfor dei? Grunngi svaret.
Oppgåve 3
Oppgåve 4
Ifølgje filosofen Immanuel Kant er det gale å bruke eit menneske berre som eit middel og ikkje eit mål i seg sjølv. I kva grad behandlar foreldra til Anna henne som eit middel for å gjere søstera frisk og ikkje som eit mål i seg sjølv? Meiner du at det var rett å designe Anna slik at ho kunne vere donor for Kate?
Oppåve 5
Kva er konsekvensane av at foreldra i filmen medvite designar eit barn som kan brukast som donor for søstera? Er dei positive konsekvensane større enn dei negative, eller er dei negative konsekvensane størst? Grunngi svaret.
Oppgåve 6
Ifølgje Aristoteles og dydsetikken er det viktig å finne ein gyllen middelveg i moralske spørsmål. Diskuter om det er mogleg å finne ein balanse mellom behova til Anna, Kate og foreldra.
Når du har sett heile filmen
Sjå resten av filmen og skriv eit kort refleksjonsnotat som dekkjer punkta under:
- Korleis blir det moralske dilemmaet endra i løpet av filmen?
- Kva gjorde mest inntrykk på deg i filmen?
- Kva tenkjer du er det viktigaste denne filmen kan lære oss om etikk?