I dette emnet får du grunnleggjande kunnskap om kva religion og livssyn er, fagomgrep knytte til religionar og livssyn, og du får lære korleis religionar og livssyn har utvikla seg gjennom historia. Her finn du òg fagstoff om sentrale trekk ved ulike religionar og livssyn.

Hinduismen er blant dei eldste religionane i verda. Hinduismen har ein rik tradisjon av ritual, heilage tekstar og myter. For dei fleste hinduar er trua på karma og atterføding sentralt, og målet er å frigjere seg frå dei evige atterfødingane og nå moksha.