I dette emnet får du grunnleggjande kunnskap om kva religion og livssyn er, fagomgrep knytte til religionar og livssyn, og du får lære korleis religionar og livssyn har utvikla seg gjennom historia. Her finn du òg fagstoff om sentrale trekk ved ulike religionar og livssyn.

Jødedommen er ein religion som er sterkt knytt til det jødiske folket, dette folket si historie og forholdet deira til Gud. Jødane ser på seg sjølv som eit folk med ei spesiell forplikting til å halde reglane i Toraen – lova som er gitt dei av Gud.