Savoikål

Savoikålen har store, krusete kålblad som vender utover og omkransar sjølve kålhovudet. Hovudet er fast og sprøtt, men noko mindre tettpakka enn hos hovudkål. Savoikål har ein mild og fin kålsmak og kan nyttast på mange måtar. Den norske sesongen strekker seg frå august til november. Haldbarheita for savoikål er kortare enn for vanlig hovudekål, og ideell oppbevaringstemperatur er 0–2 gradar.

Savoikål er fin å nytte kutta til råkost sidan han er mild i smak, sprø og dekorativ. Han kan òg kuttast i kløfter og smørdampast eller nyttast til kålrulettar. Savoikål kan stort sett nyttast til det same som annan kvit kål. I tillegg er han svært dekorativ.

Savoikål skal ha eit fast hovud med sprø og saftige blad. Fargen skal vere mørk grøn med tjukke, gulkvite bladnervar.

Savoikål er rik på vitamin A og C. Han inneheld òg jern og kalsium. Savoikål er velsmakande og lett å nytte.

Sjå Matvaretabellen frå Mattilsynet for nærare opplysningar om næringsinnhaldet.

I filmen under (2 minutt) får vi vite meir om eigenskapar ved ulike kåltypar og korleis vi kan lage til og servere kål.