Fagartikkel
Spisskål
Spisskål er ein variant av kvitkål som har mange av dei same eigenskapane som tidlegkål. Det latinske namnet er det same som for kvitkål. Spisskål har ei karakteristisk form som kjem av at blada ikkje bøyer seg så lett innover vekstpunktet.
Bilete: Fredrik Solstad / CC BY-NC-SA 4.0
Konsistensen er sprø med laust knytte, saftige blad. Smaken er mild og fin. Spisskål blir nytta som tidlegkål og har dei same ernæringsmessige eigenskapane som kvitkål. Haldbarheita er kortare enn for vanleg kvitkål. Han bør oppbevarast mellom 2 og 4 gradar, gjerne i plastpose eller plastboks. Den norske sesongen strekker seg frå mai til oktober. Vi har noko import av spisskål resten av året.
Sjå Matvaretabellen frå Mattilsynet for nærare opplysningar om næringsinnhaldet.
Med andre ord
Engelsk: oxheart cabbage
Tysk: Spitskohl
Fransk: chou pointu