Persillerot

Persillerota er ei kvit rot med lysebrune striper. Ho liknar på pastinakk, men er litt mindre. Både rota og graset har sterkare smak enn bladpersille. Smaken på persillerota kan òg minne mykje om sellerirot. Om hausten blir persillerota seld i buntar med graset på. Utover vinteren blir rota seld utan gras. Den norske sesongen strekker seg frå september til april. Persillerot held seg best dersom ho blir lagra mellom 2 og 4 gradar, gjerne i plastpose eller plastboks.

Persillerota må reinskast før bruk. Kutt av stilken og rotfestet, og skrell med ein potetskrellar. Persillerot kan nyttast i supper og gryter, smørdampa eller steikt som tilbehøyr til kjøttrettar. Riven persillerot er godt som råkost, i salat saman med eple og i wok. I supper og gryter kan graset òg nyttast.

Prøv deg gjerne på å steike persillerot i omnen, du kan til dømes bruke Matprats oppskrift på omnsbakte persillerøter.

Persillerot skal vere rein, sunn, saftspent og fri for skadedyr. Rota skal vere heil, velforma og utan forgreiningar.

Persillerot inneheld vitamin A, B6 og C, jern, kostfiber, folat og ein del kalium.

Sjå Matvaretabellen frå Mattilsynet for nærare opplysningar om næringsinnhaldet.

I den korte filmen under kan du lære meir om persillerot og få tips om korleis ho kan bli laga til og servert.