Ingefær er lys brun utvendig med ein svak gulgrøn farge innvendig. Dersom vi knekkjer knollen av, kjenner vi straks den friske dufta av ingefær. Dufta kjem av dei eteriske oljane i planten, som inneheld aromatane zingeron og gingerol. Vi bruker fersk ingefær som vi bruker den tørka varianten, men fersk ingefær er langt friskare på smak.
Bruksområde
Ingefær har eit stort bruksområde. Før bruk må han reinskast ved at vi skraper eller skreller bort det ytste laget. Fersk ingefær kan bitevis pressast i kvitlaukspresse eller rivast på rivjern til krydder. I ein del gryteretter koker vert bitar av ingefær kokt med og deretter fjerna før servering. Ingefær kan nyttast i karriretter, til lam, svin, fisk, kylling eller kinamat, og ingefær er også ein viktig del av innhaldet i marinade for orientalske kjøtretter. Rota kan også nyttast i fruktsalat og i bakverk saman med eple og pære.
Eigenskapar
Ingefær har flott smak og aroma og set ein spiss på mange retter. Sidan forbruket av ingefær er lite, kan vi ikkje snakke om noka ernæringsmessig betydning. Ingefær har lenge vorte nytta som legemiddel. Har du sår hals, kan du trekkje ei skive ingefær i teen, eller du kan leggja ei skive ingefær på tunga. Det er også sagt at ingefær hjelper mot kvalme, reisesjuke og svangerskapssmerter.
Næringsinnhald
Sjå Matvaretabellen frå Mattilsynet for nærare opplysningar om næringsinnhaldet.
Kvalitetskrav
Ingefær skal ha knollar som er faste, kraftige og lysfarga. Dei skal ikkje ha teikn til misfarging, ròteangrep eller inntørking.
Hugselappen
Med andre ord:
Latin: Zingiber officinale
Engelsk: Ginger
Tysk: Ingwer
Fransk: Gingembre
Lagring:
8–12 °C. Ingefær har svært god haldbarheit. Han kan lagrast i fleire månader når lagringsforholda er gode. Fukt under lagring fører til misfarging og ròte. Ingefær kan også frysast.