Hopp til innhald
Fagartikkel

Kinaskokk

Kinaskokken kjem frå Aust-Asia. I Europa er han mest kjend under namnet crosne. Namnet kjem av den franske byen som er sentrum for produksjonen av denne knollen. Kinaskokk er ein avlang liten rotknoll, frå 2 til 5 cm lang, og ser nærast ut som ein stor larve.
Ein haug med små, brune, ujamne grønsaker. Foto.
Bilete: Francesca Yorke / CC BY-NC-SA 4.0

Eigenskapar og lagring

Kinaskokken er lysebrun utanpå og kvit og saftig inni. Han inneheld ikkje stivelse, men eit stoff som liknar på inulin. Kinaskokk har ein søt smak som minner litt om artiskokk.

Kinaskokk blir helst oppbevart kjølig (mellom 0 og 4 gradar) og mørkt, med høg luftfukt.

Bruksområde

Børst kinaskokken før bruk. Han er fin å bruke rå i salatar, og kan òg kokast i nokre få minutt og brukast som tilbehøyr til middagsrettar. Koketida må vere kort for at kinaskokken skal behalde den sprø konsistensen. Kinaskokkar er gode steikte eller smørdampa som tilbehøyr til fiske- og kjøttrettar.

Næringsinnhald

Vi kjenner ikkje næringsinnhaldet til kinaskokken.

Kvalitetskrav

Kinaskokkar skal vere heile, saftspente og spenstige, utan teikn til uttørking eller rote.

Med andre ord

Latin: Stachys affinis
Engelsk: Crosne, Chineese artichoke
Tysk: Knollenziest, Chinesische artischocke
Fransk: Crôsne du Japon