På 1700-talet vart han frakta til Asia og er no ein viktig del av kosthaldet i Thailand, Indonesia og Sri Lanka. Det er rotknollane som vert nytta, og desse avlange, brune og glatte knollane kan verta opptil ti kilo, medan vanleg handelsvare sjeldan er meir enn to kilo. Knollen er rik på stive, har eit korkaktig skal og mjølkekvitt, saftig fruktkjøt. Rå kassava inneheld eit stoff som ved hjelp av enzym kan omdannast til blåsyre, som er svært giftig. Kassava må derfor IKKJE etast rå.
Bruksområde
Kassava må ikkje etast rå. Han inneheld eit stoff som ved hjelp av enzym kan dannast om til blåsyre. Ved rett tillaging unngår vi problemet. I opphavslanda følgjer tillaginga av rå kassava hundreår gamle framgangsmåtar, som inkluderer utvatning, lufttørking, oppdeling og koking. Heile prosessen tek fire–fem dagar.
Næringsinnhald
Kassava inneheld fleire kaloriar enn potet, og er rik på kalium, kalsium og jern.
Sjå Matvaretabellen frå Mattilsynet for nærare opplysningar om næringsinnhaldet.
Kvalitetskrav
Kassava skal vera heil og tørr utan mjuke flekker. Han skal vera fri for sår og mekaniske skadar.