Han er av utsjånad svært lik gulrot og persillerot med si klumpete og avlange form, men han er gjerne noko større.
Fruktkjøtet er kvitt eller kremfarga, og smaken er søt og delikat. Pastinakk kan ha ulike storleikar med både små og store variantar. På store pastinakkar er den indre delen seig og treaktig og bør skjerast bort.
Bruksområde
Pastinakk kan nyttast i både rå og kokt tilstand. Han må skrellast før bruk, og eventuelt treaktig vev i midten må fjernast. Pastinakk kan rivast og nyttast i råkostsalat, eller anten kuttast i bitar eller strimlast til wok. Han kan kokast i lettsalta vatn og nyttast som tilbehøyr til middag eller som grønsak i fersk suppe. Pastinakk kan òg nyttast i stuingar eller gratinerast i omn.
Kvalitetskrav
Pastinakk bør vere velutvikla utan forgreiningar og siderøter. Dei skal vere sprø, saftige og faste i konsistensen.
Næringsinnhald
Pastinakk er god på smak og inneheld noko A-, B- og C-vitamin. Smaken er søt fordi han inneheld mykje karbohydrat.
Sjå Matvaretabellen frå Mattilsynet for nærare opplysningar om næringsinnhaldet.
Hugselappen
Norsk sesong:
juli–desember
Med andre ord:
latin: Pastinaca sativa
engelsk: parsnip
tysk: Pastinak
fransk: panais
Lagring:
1–3 °C. Pastinakk skal lagrast kjølig. Han har lang haldbarheit dersom lagringstemperaturen og luftfukta er ideell.