Administrative rutinar kan beskrivast som alle støtteoppgåvene til ei bedrift. Saksbehandling og dokumentbehandling er ein sentral del, i tillegg til administrasjon knytt til det å ha tilsette. Alle bedrifter har administrative rutinar, uansett kva bedrifta driv med.

Korleis vi skriv, sender og oppbevarer dokument, høyrer til dokumentbehandlinga i ei bedrift. Som administrativ medarbeidar må du òg vite korleis ei korrekt saksbehandling går føre seg. Rekruttering av tilsette krev både dokumentbehandling og saksbehandling.