Administrative rutinar vil seie alle støtteoppgåvene i ei bedrift. Det er rutinar knytt til økonomi, innkjøp og saksbehandling. Alle bedrifter har administrative rutinar, same kva bedrifta driv med.
I praksisbedrifta di er det ein eller fleire som jobbar med administrative oppgåver. Få gjerne hjelp frå dei når du skal finne svar på oppgåvene nedanfor.
Kva for nokre økonomiske rutinar har praksisbedrifta? Beskriv korleis bedrifta tek imot ordrar, fakturerer og registrerer innbetalingar, og beskriv eventuelle purrerutinar.
- Kva rutinar har bedrifta for lønnsarbeid?
- Korleis går innkjøpsarbeidet føre seg? Kven har fullmakt til å bestille og godkjenne kjøp? Kva kvalitetssikringsrutinar har bedrifta for å sikre at det blir kjøpt inn rett tal til rett pris og av rett kvalitet?
- Beskriv saksbehandlingsrutinane i bedrifta. Kva gjer bedrifta til dømes når ein kunde klagar på ei vare? Kva for nokre interne reglar er det for korleis saker skal behandlast i bedrifta?
- Kva synest du om dei administrative rutinane i bedrifta som du har fått innsyn i? Er det nokon rutinar som etter di meining kan forbetrast?
Tips til læraren
Svara på oppgåvene kan inngå som ein del av loggen elevane skriv frå praksis, eller brukast som ei individuell skriftleg innlevering.
Relatert innhald
CC BY-SASkrive av Cecilie Lund.
Sist fagleg oppdatert 19.11.2021