Mettingsgarnityret er den delen av måltidet som skal gjere deg mett, og det mest nytta er poteter, pasta, ris og brød. Det har òg vorte vanlegare å nytte andre typar mettingsgarnityr, som bønner, linser, couscous og polenta for å nemne nokre.

Poteta kan nyttast til alt! Det er i alle fall nesten sant. Poteta har utruleg mange bruksområde og kler det meste av smakar. Ho er framleis eit av dei mest populære mettingsgarnityra i Skandinavia.