Oppgåve 1) Undersøk statistikk og reflekter
I Noreg har vi klart å svekkje det digitale skiljet som handlar om tilgang til datamaskiner og internett. I dag bruker dei aller fleste internett og er kopla til eit breiband.
I verda sett under eitt er det likevel store skilnader når det gjeld kven som har tilgang til datamaskiner og internett.
A) Studer FNs statistikk om internettbrukarar
Vurder tala. Kommenter nokre utvalde tal.
Mellom kva land er skilja størst? Finn døme på land som ligg på toppen og botnen av statistikken.
Samanlikn Noreg og Bangladesh. Korleis har utviklinga i internettbruk vore dei siste 10 åra?
B) Reflekter i par
Det er store skilnader i verda når det gjeld tilgang til datamaskiner og internett. Kva konsekvensar har desse skilnadene?
Kvifor er det viktig å setje søkjelys på digitale skilje og informasjonskløfter mellom fattige og rikje land?
Oppgåve 2) Skriv eit lesarinnlegg
Formuler ein påstand som handlar om globale digitale skilje, og skriv eit lesarinnlegg der du argumenterer for påstanden.
Bruk gjerne argument som dreier seg om
samfunnsutvikling og økonomisk utvikling
utdanning og læring
informasjon og tilgang til nyheiter
Presenter argument, gå i djupna, og vis til ulike perspektiv og sider ved påstanden. Lag ein passande tittel.
I eit lesarinnlegg skal du òg fremje den personlege meininga di. Bruk fagomgrep og språklege verkemiddel aktivt.
Relatert innhald
Sluttrefleksjon
Kvifor er det viktig at media publiserer innhald som handlar om digitale skilje og globale utfordringar som dette?
På kva måte kan lesarinnlegget ditt påverke den offentlege debatten?
Korleis kan media bidra til å svekkje informasjonskløfter og digitale skilje i samfunnet?
