Målet med oppgåva er at du skal
vise at du kjenner til og kan nytte sentrale omgrep og teoriar
øve deg på å vurdere faktabaserte og fiksjonsbaserte medieforteljingar i eit kritisk perspektiv, og avsløre stereotypiar og fordommar
forstå kvifor det er viktig at medieforteljingar skaper respekt og forståing mellom folk og kulturar
trene på å skrive meldingar og essay
Oppgåve 1) Omgrepsoppgåve
Definer og gi døme på desse omgrepa
stereotypi
fordom
toleranse
postkolonialisme
diskurs
Oppgåve 2) Skriv ei melding
Skriv ei kort melding av ei medieforteljing som du meiner bidreg til fordommar mot menneske frå andre land og verdsdelar. Meldinga skal vere på maks 300 ord og kunne publiserast i skuleavisa eller på Aftenposten si ungdomsside Si ;D.
Oppgåve 3) Skriv eit essay
Skriv eit personleg essay om medieforteljingar som skaper forståing og respekt for menneske som tilhøyrer framande kulturar og religionar.
Essayet er ein sjanger der du har lov til å hente erfaringar frå eigne lesar-, lyttar- og sjåaropplevingar.