Dette emnet handlar om samanhengen mellom form og innhald i ulike mediesjangrar. Du får kunnskapar om dramaturgi og forteljemåtar som kan du bruke når du skal analysere ein mediebodskap eller utforme eigne medieforteljingar.

Medieforteljingar påverkar måten vi forstår verda på, og tankane vi gjer oss om andre folkeslag og kulturar. Forteljingane kan skape respekt og forståing for menneske som er ulike oss sjølv. Men dei kan også bidra til å skape og halde ved lag stereotypiar og fordommar mot "dei andre".