Robinson Crusoe er hovudpersonen i ein roman frå 1719, av den engelske forfattaren Daniel Defoe. Robinson Crusoe hadde selskap berre med tenaren Fredag på den aude øya. Eventyrarar i dag har eit heilt filmteam med seg.
Oppgåve 1
- På kva måte opptrer Robinson Crusoe som ein typisk representant for opplysningstida?
- Kven er Fredag, og kva rolle speler han i romanen?
- Studer biletet av Robinson og Fredag. Kva fortel dette biletet om maktforhold og menneskesyn i England i 1719?
- Robinson prøver å oppdra Fredag til å oppføre seg som ein engelsk gentleman. Nemn eksempel frå historia og frå vår tid på korleis ei gruppe menneske har forsøkt å tvinge på andre sine eigne kulturelle verdiar.
Oppgåve 2
- Kva meiner vi med omgrepet «moderne robinsonadar»?
- Lag ei oversikt over robinsonadar som du kjenner frå moderne bøker, film og TV.
- Vel ein av desse robinsonadane. Kva for verdiar og menneskesyn kjem til uttrykk i denne robinsonaden?
- Tenk grundig etter: Kva for tankar og idear frå opplysningstida pregar måten du sjølv tenkjer på i dag?
Relatert innhald
CC BY-SASkrive av Ragna Marie Tørdal.
Sist fagleg oppdatert 25.05.2018