Omsorg er noko alle treng. Ifølgje barnekonvensjonen har barn rett til omsorg og vern mot vald og overgrep. Omsorg skal prege alle situasjonar i kvardagslivet. Det bidreg til å skape tryggleik og trivsel og er ein viktig føresetnad for læringa og utviklinga til barn.

I arbeidet med barn og unge skal du tilpasse omsorga til den enkelte. Barn og unge er ulike og har ulike behov. Etter kvart som barna blir eldre og utviklar seg, endrar òg behova deira seg. Ein barne- og ungdomsarbeidar må derfor kunne tilpasse omsorga til utviklinga og alderen til barn.