Omsorg er noko alle treng. Ifølgje barnekonvensjonen har barn rett til omsorg og vern mot vald og overgrep. Omsorg skal prege alle situasjonar i kvardagslivet. Det bidreg til å skape tryggleik og trivsel og er ein viktig føresetnad for læringa og utviklinga til barn.

Å ha ei trygg og god tilknyting er sentralt for at barn og unge skal ha det godt, utforske og utvikle seg på best mogleg måte. Tryggleikssirkelen hjelper oss til å forstå korleis vi kan møte barn sine behov for omsorg og vern, og korleis vi kan hjelpe og støtte dei når dei utforskar verda.