Beskriv ei arbeidsoppgåve i programfaget ditt

Før du gjer denne oppgåva, bør du ha jobba med fagartikkelen "Slik lagar du ein instruks".

Lag ein skriftleg instruks

Vel ei praktisk arbeidsoppgåve som er viktig i programfaget ditt. Spør gjerne ein programfaglærar om hjelp.

• Lag ein skriftleg instruks der du beskriv korleis ein skal utføre oppgåva.

• Målgruppa for instruksen er tilsette og lærlingar på ein arbeidsplass der oppgåva er relevant, altså fagpersonar og kollegaer.

Under ser du eit døme på ein enkel instruks for å lage pannekaker.

• Instruks, dømetekst(DOCX)
• Instruks, dømetekst(PDF)

Dette må du tenke på når du lagar instruksen:

• Begynn med å beskrive målet med oppgåva.

• Lag ei liste over utstyret du treng for å utføre oppgåva.

• Beskriv oppgåva trinn for trinn på ein presis måte.

• Forklar kva som er vanskeleg eller viktig, og korleis du kan unngå feil.

• Bruk fagord og fagkunnskap som målgruppa forstår.

• Bruk bilete som gjer forklaringa tydelegare.