Fagartikkel

Bruk av digitale kartverktøy

Digitale kart er nyttige verktøy både i geografifaget og elles i livet. Vi kan bruke digitale kart når vi skal presentere noko, eller vi kan bruke dei for å lære og forstå. Her blir du kjend med nokre døme på digitale kartverktøy.

På denne sida skal du undersøke ulike digitale karttenester, og mykje av innhaldet er visuelt. Alle vil likevel ha nytte av teksten, som forklarer korleis karttenestene fungerer.

Bli kjend med nokre digitale kartverktøy

Det finst mange kartverktøy, men desse fire er spesielt relevante i geografifaget:

Kart i skolen
Norgeskart
Levende Atlas
Norge i bilder

Meistrar du desse, har du forstått grunnprinsippa og kan enkelt ta i bruk andre digitale kartverktøy.

Nokre viktige omgrep

Bakgrunnskart: I digitale karttenester kan vi som regel velje kva kart vi vil ha som bakgrunn, avhengig av kva vi skal bruke kartet til.
Kartlag: Kartlag er dei ulike laga vi legg oppå bakgrunnskartet. Vi kan som regel ha på ulike kartlag, forandre gjennomsiktigheita på dei ulike laga og velje kva rekkefølge dei skal ligge i. Det øvste kartlaget er tydelegast.
Teiknforklaring: Ei teiknforklaring er ei oversikt over kva dei ulike fargane eller symbola i eit kart representerer. Dei fleste kartlag har eigne teiknforklaringar.

1. Kart i skolen

Kart i skolen er eit digitalt kartverktøy laga for bruk i skulen. Her finn du mange ulike kartlag over Noreg. Du kan òg teikne i kartet, lage eigne kartlag og justere gjennomsiktigheita i dei ulike laga. Dei fleste vala ligg under "Vis meny".

Trykk og bli kjend med Kart i skolen

I det interaktive biletet under kan du trykke på informasjonsteikna og bli betre kjend med dei viktigaste funksjonane i Kart i skolen.

Prøv Kart i skolen sjølv

Under kan du prøve Kart i skolen sjølv. Viss du vil bruke kartet i fullskjermmodus, kan du gå til Kart i skolen.

2. Norgeskart

Norgeskart er ei populær teneste frå Kartverket. Her finst informasjon om eigedommar, turar, sjøkart, stadnamn, stiar, sykkelturar og meir. I geografifaget er det spesielt teiknefunksjonen som er nyttig, fordi vi enkelt kan dele og lage pdf-filer med kartlag vi har teikna sjølve.

Trykk og bli kjend med Norgeskart

I det interaktive biletet under kan du trykke på informasjonsteikna og bli betre kjend med dei viktigaste funksjonane i Norgeskart.

Prøv Norgeskart sjølv

Under kan du prøve Norgeskart sjølv. Viss du vil bruke kartet i fullskjermmodus, kan du gå til Norgeskart.

3. Levende Atlas

Levende Atlas er utvikla for skulen og har fleire spennande kartlag for heile verda.

Trykk og bli kjend med Levende Atlas

I det interaktive biletet under kan du trykke på informasjonsteikna og bli betre kjend med dei viktigaste funksjonane i Levende Atlas.

Prøv Levende Atlas sjølv

Under kan du prøve Levende Atlas sjølv. Viss du vil bruke kartet i fullskjermmodus, kan du gå til Levende Atlas.

4. Norge i bilder

Norge i bilder er eit samarbeid mellom mange ulike offentlege aktørar. Her kan du finne flyfoto frå heile Noreg i god kvalitet, og du kan velje 3D-visning. Då kan du undersøke ulike landskap nærare og sjå utviklinga i eit område over tid.

Trykk og bli kjent med Norge i bilder

I det interaktive biletet under kan du trykke på informasjonsteikna og bli betre kjend med dei viktigaste funksjonane i Norge i bilder.

Vil du prøve sjølv, kan du gå til Norge i bilder.