Servitøren må ha brei kunnskap om alt frå å klargjere restauranten til servering og kunnskap om mat og drikkevarer. Det er viktig at gjesten får ein god harmoni i måltidet, og ei god totaloppleving av oppdekking, servering og service. Drikka må ikkje overdøve maten, og heller ikkje omvendt.

Ei av dei daglege oppgåvene til servitøren er å gjere klar restauranten til gjestene kjem. Bordet skal vere dekt og pynta til anledninga. Kva for serveringsmetodar fagarbeidaren vel, kjem mellom anna an på type lokale, mat og bemanning.

Kvar skal bestikket liggje og glasa stå, og korleis skal servietten sjå ut? I dette emnet får du lære om korleis eit bord skal dekkjast, og du får tips til korleis du kan brette serviettar på ein fagleg korrekt måte.