Klassen blir delt i grupper på tre elevar.
Oppgåve
De skal dekkje og pynte eit bord til fire personar som skal passe til ei kvinne sin 50-årsdag. Menyen er som følgjer:
Forrett: Krema blomkålsuppe
Hovudrett: Heilsteikt oksefilet, bakte rotgrønsaker, rødvinssaus og fondantpotet
Dessert: Brownies, bringebærsorbé
Det skal nyttast amerikansk servering. Det skal serverast vin til heile måltidet.
Vurderingskriterium
Gruppene vil bli vurderte etter følgjande kriterium:
| Vurderingskriterium | Poeng | Kommentar |
|---|---|---|
| Rett oppdekking i samsvar med meny og serveringsmåte | ||
| Hygiene og reinhald | ||
| Nøyaktigheit | ||
| Serviettbretting | ||
| Kuvertmeny med allergenmerking | ||
| Kreativitet | ||
| Bruk av årstida sine blomar og fargar | ||
| Pynt som passar til høvet |
Førebuing
Kvar gruppe får ein time til førebuing. Her må gruppa lage ein plan og bli einige om kva slags utstyr som trengst, korleis de vil dekkje, kva slags pynt og serviettar som skal nyttast, og kven som skal gjere kva.
Gjennomføring og eigenvurdering
Kvar gruppe dekkjer bordet sitt etter planen de har laga.
Etter at bordet er dekt, må gruppa vurdere sitt eige arbeid.
Kva vart de fornøgde med?
Kva kunne vore betre?
Kvarandrevurdering
Elevane samlast rundt kvart bord og vurderer kvarandre sitt arbeid. Diskuter saman i klassen, kva gjorde gruppa bra, og kva kunne vore betre? Dei andre gruppene set poeng frå 1 til 3 etter vurderingskriteria ovanfor.
| Gruppe 1: Hanne, Ali og Jonas | ||
|---|---|---|
| Vurderingskriterium | Poeng | Kommentar |
| Rett oppdekking i samsvar med meny og serveringsmåte | 2 | Mangla dessertskei |
| Hygiene og reinhald | 3 | Alt var reint og pussa |
Kåring av vinnar
Læraren samlar inn gruppene sine vurderingar av kvarandre, reknar saman poengsummen og kårar ein vinnar.