Dette er ei praktisk oppgåve der du skal bli betre kjend med grunnsmakane og korleis dei påverkar korleis du oppfattar smak.
Læraren bør på førehand ha gitt ei innføring i temaet sensorikk, grunnsmakar og korleis ein smakar/luktar på ein drikk.
Utstyr
Kvar elev skal ha
- ein bit av grunnsmakane på ein tallerken. Dette kan til dømes vere:
- surt = sitronskive
- søtt = sukkerbit
- bittert = bit med ruccolasalat
- salt = salt potetgull eller kjeks
- umami = parmesanost
- eit glas med alkoholfri drikke, til dømes kvitvin (vinglaset bør vere forma slik at det er lett å lukte på drikken)
- vassglas
- smaksskjema
Slik blir oppgåva gjennomført
- Læraren skjenkjer litt av den alkoholfrie vinen til kvar elev. Eleven skal først lukte på vinen og beskrive kva han luktar.
- Elevane fyller inn i rada "eigne notat" kva dei trur er eit døme på kvar grunnsmak.
- Deretter smakar elevane på vinen og fyller inn i smaksskjemaet om dei synest vinen er lite god, god eller særs god.
- Elevane skal så ta ein bit av første grunnsmak og deretter smake på vinen igjen og fylle inn i skjemaet korleis dei oppfattar smaken. Mellom kvar grunnsmak er det viktig at elevane skyl munnen med vatn.
- Elevane gjentek same prosedyre som i punkt 3 for alle grunnsmakane.
Det er viktig å bruke god tid mellom smakingane, og det er viktig at alle smakar samtidig. Læraren må delta på smakinga og få elevane til å dele erfaringane sine.
Forslag til smaksskjema
Skjemaa er òg tilgjengelege for nedlasting under.
Anna | Salt | Surt | Bittert | Umami | Søtt |
---|---|---|---|---|---|
eigne notat |
Anna | Mindre god | God | Særs god |
---|---|---|---|
eigne notat |
Verdiar | Surt | Salt | Bittert | Umami | Søtt |
---|---|---|---|---|---|
betre | |||||
mindre god | |||||
same |
Filer
CC BY-SASkrive av Einar Martin Kålen.
Sist fagleg oppdatert 25.06.2020