Oppgåve

Kyllingrett med ulik konsistens

I denne oppgåva skal klassen delast i grupper og lage ein kyllingrett med ulike tillagingsmetodar og konsistensar.

Tallerken med kyllingbitar, grønsaker og potetar med lys saus. Foto. — Kyllingfrikassé og poteter. Bilete: Opplysningskontoret for egg og kjøtt / CC BY-NC-SA 4.0

Oppgåve 1. Tillaging

Klassen blir delt i grupper på to eller tre. Alle gruppene får utdelt følgande hovudråvarer:

brystfilet av kylling
gulrot
brokkoli
blomkål
potet

Gruppe 1

Denne gruppa skal

posjere kyllingbrystet
koke gulrot, blomkål, brokkoli og potet
lage ein valfri saus

Gruppe 2

Denne gruppa skal

pannesteike kyllingbrystet
pannesteike gulrotstavar, brokkoli- og blomkålbukettar
pannesteike små båtar av potet
lage ein valfri saus

Gruppe 3

Denne gruppa skal

omnsbake kyllingbrystet
lage gulrotkrem
pannesteike brokkoli- og blomkålbukettar
koke poteter
lage ein valfri saus

Oppgåve 2. Presentasjon og smaking

Alle gruppene legg opp rettane sine på tallerken. Legg opp slik at retten ser delikat og freistande ut.
Alle gruppene smaker på dei ulike variantane.

Oppgåve 3. Vurdering

Kva slags konsistens kjenner du i dei ulike rettane? (Blaut, mjuk, hard, sprø?)
Kva gruppe laga den mest spennande maten med tanke på konsistens?
Har variasjon av tillaging og konsistens noko å seie? Kvifor / kvifor ikkje?
Kva rett likte du best, og kvifor?