Oppgåve
Universell utforming i nærmiljøet
Korleis står det til med universell utforming og tilrettelegging av det fysiske miljøet på stadene der du vanlegvis ferdast? I denne oppgåva skal du undersøkje og dokumentere korleis krava om universell utforming er oppfylte, og foreslå forbetringstiltak dersom det er påkravd.
Bilete: Gorm Kallestad / CC BY-NC 4.0
- Gå inn på nettsida til Uu-tilsynet og les om universell utforming. Skriv ned dei sju prinsippa for universell utforming, og diskuter i grupper kva dette inneber i praksis.
Undersøk korleis desse prinsippa er varetekne i nærområdet dykkar. Dokument med bilete eller film den universelle utforminga på ein eller fleire av desse stadene:
- på skulen
- i sentrum
- på eit kjøpesenter
- i eit friluftsområde
- på praksisstaden din
- Kva fungerer bra når det gjeld universell utforming her?
- Kva forhold bør bli forbetra for at området skal vere tilgjengeleg for alle?
Relatert innhald
Fagstoff
Kva er universell utforming?Universell utforming er ein måte å planleggje og byggje opp samfunnet på slik at menneske med nedsett funksjonsevne blir ein del av samfunnet (integrert).