Feriar og korte opphald i utlandet
I utgangspunktet kan brukaren ta med seg hjelpemidla på feriar og korte opphald i EØS-land. Dersom brukaren flyttar til utlandet eller skal opphalde seg der i meir enn tolv månader, må han eller ho søke Nav om å få behalde utstyret.
Har brukaren fått bil gjennom folketrygda, kan han eller ho reise både i og utanfor EØS i opptil ein månad utan å måtte søke. Dersom brukaren treng bil i utlandet i ein lengre periode, må han eller ho søke om løyve frå bilkontoret i fylket.
Dersom brukaren har fått økonomisk støtte til å skaffe seg briller eller kontaktlinser, forstørringsbriller, kikkertbriller, høyreapparat, manuell eller elektrisk rullestol, førarhund eller ortopediske hjelpemiddel, har vedkomande rett til å ta med seg desse hjelpemidla til eit EØS-land.
Flytting til utlandet
Dersom brukaren flyttar til utlandet permanent, skal hjelpemiddelet som hovudregel returnerast til hjelpemiddelsentralen, og eit nytt skal skaffast frå ein lokal hjelpemiddelsentral i det aktuelle landet. Hjelpemiddelsentralen eller Nav hjelper til med å ordne dette.
Dersom brukaren høyrer heime i eit anna EØS-land, skal han eller ho først søke om hjelpemiddel i det landet der vedkomande bur. Får brukaren avslag, kan det søkast om hjelpemiddel frå Noreg.