Polka – strekkbuksepolka

Dansen var vanleg på norske dansegolv på 1960- og 1970-talet, og er eitt av dei siste tilskota til runddansslekta. Strekkbuksepolkaen er ein pardans der para dansar motsols i ring til vanleg polkamusikk i 2/4-takt.

Dansen har eit fast mønster, som vi i denne filmen har valt å dele opp i ein ABC-del.

1. tur på plassen (i denne filmen viser vi to variasjonar, enkel og dobbel)
2. bytomfotsteg framover i danseretninga
3. snu for jenta

I sjølve dansen er det guten si oppgåve å føre jenta og bestemme kva turar som skal gjerast. Dette improviserer han undervegs i dansen ut frå det repertoaret han har av turar.

Før kvar tur signaliserer guten til jenta kva neste steg skal vere, slik at det blir ein fin flyt i dansen.

På folkepedia.no kan du lese meir om strekkbuksepolka.