Reinlendar

I denne filmen har vi laga eit fast oppsett av turar for å gjere det mest mogleg tydeleg for den som skal lære seg reinlendar. I ein læringssituasjon er det meininga at ein skal kunne plukke og lære etter eige ønske, og på den måten opparbeide seg eit repertoar av turar ein kan bruke fritt når ein dansar reinlendar.

I sjølve dansen er det guten si oppgåve å føre jenta og bestemme kva turar som skal gjerast. Dette improviserer han undervegs i dansen ut frå det repertoaret han har av turar. Før kvar tur signaliserer guten til jenta kva neste steg skal vere, slik at det blir ein fin flyt i dansen.