Eit besøk utanfrå skaper variasjon i skulekvardagen. Ta med elevane inn i kulturopplevingar som får dei til å undrast, stille spørsmål og kanskje òg bli litt provosert.
Korleis er DKS organisert?
DKS er eit samarbeidsprosjekt mellom kultursektoren og opplæringssektoren på nasjonalt, regionalt og lokalt nivå. Samarbeidet omfattar alle grunnskular og vidaregåande skular i Noreg. Skulen har ansvar for det pedagogiske opplegget for elevane, mens kultursektoren har ansvaret for kulturinnhaldet.
DKS og læreplanverket
DKS-tilboda gir skulane ein moglegheit til å jobbe med læreplanverket i sin heilskap. Alle produksjonar har koplingar til læreplanverket, både til overordna del og til læreplanane.
UDIR: Les meir om forankring av DKS i skulen
Korleis bruke DKS-opplevingane i skulen?
Kunst og kultur gir gode moglegheiter for elevar og lærerar til å jobbe med ulike emne og problemstillingar i og på tvers av fag. Skulen har eit ansvar for å legge til rette for at elevane får gode kunst- og kulturopplevingar, og eit godt fagleg utbytte av DKS-besøket.
DKS: Les meir om korleis du som lærar kan bruke kunst og kultur på tvers av fag i opplæringa
Få mest mogleg ut av DKS-besøket
Ved å tenke godt gjennom kva for produksjonar som eignar seg for skulen, planlegge og førebu både lærarar og elevar godt, vil de få best utbytte av besøket. Her er tips til korleis de kan gå fram:
Filer
Om kunst- og kulturuttrykka
DKS der du held til
Du finn eigne nettsider for DKS-tilboda i kvart fylke, der du òg kan finne læringsressursar knytta til dei enkelte produksjonane. Ressursane hjelper deg med å sjå kva i overordna del og i læreplanane som er relevant for den aktuelle produksjonen. Forarbeid og etterarbeid i samband med eit DKS-besøk vil styrke det faglege utbyttet.