Kva er kunst?
Det kan vere både interessant og nyttig å la elevane diskutere meir overordna spørsmål som "Kva er kunst?" før dei skal møte ein bestemd produksjon i Den kulturelle skulesekken. Du finn forslag til kva dei kan diskutere i artikkelen "Refleksjonsspørsmål til kunstopplevingar". Plukk ut det du meiner er relevant å gå i djupna på, før de går over til å snakke om kulturarv.
Før kulturarvopplevinga
Kva forventningar har du til kulturarvopplevinga du skal få?
Kva forventningar trur du formidlaren har til å møte deg?
Kvifor trur du formidlaren/museet ønsker at du skal oppleve dette?
På kva måtar kan ei kulturarvoppleving påverke korleis du tenker om kulturarv?
Menneske har alltid uttrykt seg på fleire måtar enn ved bruk av ord. Kva er dei beste måtane for deg å uttrykke deg på?
På kva måtar kan ei kulturarvoppleving endre korleis du tenker om din eigen kulturarv?
På kva måtar kan det å snakke om eigen og andre sin kulturarv gjere han betre eller meir interessant for deg?
På kva måtar kan kunnskap om kulturarv inspirere deg og gi deg idéar?
Kvifor er det viktig å lære om fortida?
På kva måtar kan vi bruke kunnskap om fortida til å gjere betre val i dag?
På kva måtar kan kunnskap om fortida hjelpe oss til å forstå dagens samfunn?
På kva måtar kan historiske hendingar ha hatt innverknad på verda slik vi kjenner ho i dag?
Kva konsekvensar kan det ha dersom vi ikkje lærer om og av historia?
På kva måtar kan kunnskap om fortida hjelpe oss til å forstå og handtere problem i dagens samfunn?
Kva synest du er den viktigaste lærdommen vi kan ta med oss frå fortida?
Kva historiske personar, hendingar eller ting synest du er mest interessante eller spennande, og kvifor?
Kva kan vi lære frå feila og suksessane til tidlegare generasjonar? Har du nokon døme?
Kva historier frå fortida synest du bør forteljast oftare, og kvifor?
Er det nokon historiske hendingar som ikkje burde forteljast? Kva for nokre og kvifor?
Kva trur du vil vere det viktigaste generasjonar i framtida kan lære om, frå tidsperioden vår?
Kva slags kulturarv finst i ditt land som du synest er spesielt interessant eller verdifull, og kva kan vi lære av han?
Kva kulturelle eller historiske stader ville du besøke dersom du fekk sjansen, og kvifor?
På kva måtar kan kulturarven påverke identiteten og verdiane menneske har?
Kva tradisjonar kjenner du til, og kva for nokre er viktige for deg?
På kva måtar kan tradisjonar knyte menneske saman?
Kvifor trur du det er viktig å respektere tradisjonar frå forskjellige kulturar?
Kva er eit handverk, og kan du gi nokre døme på handverk du kjenner til?
Kvifor trur du menneske har laga handverk i lang tid?
Kva handverkstradisjonar er viktige for familien eller kulturen din, og kvifor?
Kva kan gamle gjenstandar fortelje oss om historia? Har du nokon døme?
Kva trur du framtidas generasjonar kan lære av gjenstandar som vi produserer og bruker i dag?
Etter kulturarvopplevinga
Var det noko ved opplevinga som påverka deg? Kva, korleis og kvifor?
Kva inspirerte deg mest i løpet av opplevinga, og kvifor?
Var det noko du såg eller høyrde som kan koplast til dine eigne opplevingar eller erfaringar, i så fall kva?
Kva var det mest interessante du fekk vite i dag?
Kva råd ville du gitt til formidlaren du møtte i dag?
Kva ville du ønske at du fekk vite meir om, og kvifor?
Kva var det mest interessante spørsmålet du eller nokon andre stilte formidlaren, og kvifor?
Kva spørsmål ville du stilt formidlaren viss du fekk ei ny moglegheit?
På kva måtar kan du bruke det du høyrde om i dag, i ditt eige liv?
Kva var det viktigaste du høyrde om i dag, og på kva måtar kan det vere relevant for deg og ditt liv?