Opningsbalanse
Beate startar eigen blomsterbutikk, og ho har skaffa seg finansiering og kjøpt inn dei eigedelane ho har bruk for. Ho har valt å registrere seg som aksjeselskap, slik at ho tek mindre risiko. Den balansen ho no har, kan vi kalle opningsbalanse.
Eigedelar | Eigenkapital og gjeld | |||||
|---|---|---|---|---|---|---|
Reklame | 25 000 | Aksjekapital | 100 000 | |||
Inventar | 32 000 | Langsiktig lån | 70 000 | |||
Datautstyr | 25 000 |
|
| |||
Kjølerom | 50 000 | |||||
Varelager | 27 000 |
|
| |||
Bankinnskot | 10 000 |
|
| |||
Kassabehaldning | 1 000 |
|
| |||
Sum | 170 000 |
| 170 000 | |||
Den første dagen har ho denne aktiviteten:
Type inntekt/kostnad | Beløp | ||
|---|---|---|---|
Inntekter (sal) | 3 000 | ||
Varer | 1 500 | ||
Løn | 500 | ||
Andre kostnader | 800 | ||
Resultat | 200 |
Nedanfor er føringane viste på T-kontoar. (På grunn av plassen har vi ikkje teke med alle kontoar frå opningsbalansen.) Ser du at inntektene er førte i kredit og kostnadene i debet? Det er på grunn av rekneskapsregel 3.
Rekneskapsregel 1
Debitering av ein eigedelskonto: aukar verdien
Kreditering av ein eigedelskonto: reduserer verdien
Rekneskapsregel 2
Debitering av ein gjeldskonto: reduserer gjelda
Kreditering av ein gjeldskonto: aukar gjelda
Rekneskapsregel 3
Debitering av ein eigenkapitalkonto: reduserer eigenkapitalen
Kreditering av ein eigenkapitalkonto: aukar eigenkapitalen
Varer | Kassa | Inntekter sal | Varekost | Lønn | Andre kostnader | |||||||||
|---|---|---|---|---|---|---|---|---|---|---|---|---|---|---|
Tekst | Bilag | Dato | D | K | D | K | D | K | D | K | D | K | D | K |
IB |
| 1.5. | 27 000 |
| 1000 |
|
|
|
| |||||
Kassaoppgjer | 1 | 2.5. |
|
| 3000 |
|
| 3000 |
| |||||
Kjøp rekvisita | 2 | 2.5. |
|
|
| 300 |
|
| 300 | |||||
Kjøp utstyr | 3 | 2.5. |
|
|
| 500 |
|
| 500 | |||||
Ekstrahjelp | 4 | 2.5. |
|
|
| 500 |
|
| 500 | |||||
Varer | 5 | 2.5. |
| 1 500 |
|
|
| 1500 | ||||||
Saldo |
|
| 25 500 |
| 2700 | 3000 | 1500 | 500 | 800 | |||||
Differansen mellom debet og kredit på kvar konto kallar vi saldo. Reint teknisk blir kontoane avslutta under årsavslutninga.
Forklaring på bilaga
- Bilag 1: Det er selt varer for 3000 kr i perioden. Salet er registrert på kassaapparatet i butikken. Det er vanleg å ta eit kassaoppgjer kvar dag, det vil seie at kassaapparatet i ein rapport summerer salet. Denne rapporten dannar grunnlaget for å føre inntektene (salet) i rekneskapen. Inntektene er førte i debet på kassa sidan det aukar kassabehaldningen (regel 1). Inntektene er òg førte i kredit på sal sidan kreditering av ein konto i resultatrekneskapen aukar resultatet og eigenkapitalen (regel 3). Inntekter blir alltid førte i kredit.
- Bilag 2: Det er kjøpt inn rekvisita til bruk i butikken. Dette er betalt kontant, og pengane er tekne frå kassa. Derfor blir det ført i kredit på kassa (regel 1). Det er ein kostnad som blir ført i debet på andre kostnader (regel 3). Kostnader blir alltid førte i debet.
- Bilag 3: Postane er førte på same måten som i bilag 2.
- Bilag 4: Det er leigd inn ekstrahjelp i butikken. Løn er utbetalt frå kassa og ført i kredit på kassa (regel 1). Dette er ein kostnad og er derfor ført i debet på løn (regel 3).
- Bilag 5: Butikken har rekna ut innkjøpsprisen på dei varene som er leverte kundane. Varene er tekne frå varelageret og derfor førte i kredit på varer (regel 1). Dette blir rekna som kostnad og er ført i debet på varekost (regel 3).
Som du ser, har vi berre brukt rekneskapsreglane 1 og 3 fordi postane berre gjaldt eigedelar og resultatrekneskap (eigenkapitalen). Regel 2 er ikkje teken i bruk, sidan gjelda ikkje blei rørt.
Det kan sjå bra ut å få overskot allereie første veka, men Beate har ikkje full oversikt enno. Ein del kostnader som løper kvar månad, har ikkje komne med, til dømes husleiga. Andre kostnader har ho enno ikkje fått faktura på: forsikring, telefon, avisannonse osb.