Fagartikkel
Bygg- og anleggsavfall og trevirke
Her lærer du litt om bygg- og anleggsavfall og om trevirke.
Avfallskonteinarane er viktige for materialsirkuleringa på byggeplassen. Bilete: Espen Bratlie / CC BY-NC-ND 4.0
Bygg- og anleggsavfall består av
- bygnings- og rivingsavfall
- anleggsavfall
Bygnings- og rivingsavfall omfattar i hovudsak metall, trevirke, glas og betong. Slikt avfall kan innehalde store mengder miljøfarlege stoff. Byggherrane må utarbeide særskilde avfallsplanar i samsvar med gjeldande regelverk.
Anleggsavfallet består i stor grad av lausmassar og sprengstein. Mykje slikt avfall blir brukt som masse til nye veganlegg eller som fyllmasse.
Utanom reglane om behandling av trevirke som er bygg- og anleggsavfall, finst det ingen lover eller forskrifter som sikrar auka gjenvinning av trevirke. Det eksisterer heller ingen avtalar mellom styresmaktene og bransjane om gjenvinning av trevirke. Avfallstrevirke blir i all hovudsak omdanna til flis og flisbrikettar og brukt til brensel.