Alle bedrifter fører rekneskap. Rekneskapsføring gir oss informasjon om kva inntekter og kostnader vi har hatt, og vi får ei oversikt over eigedelar, gjeld og eigenkapital. Du skal i denne oppgåva utforske korleis praksisbedrifta di fører rekneskap og fakturerer, og korleis rekneskapen blir rapportert til leiinga og eventuelt styret i bedrifta.
I praksisbedrifta di er det éin eller fleire som jobbar med økonomi og rekneskap. Du må få hjelp frå dei til å løyse oppgåva.
Oppgåve
Har bedrifta eigne tilsette som fører rekneskapen, eller nyttar dei eit rekneskapskontor?
Har bedrifta kundar som dei sender fakturaer til? Undersøk i så fall kva rutinar bedrifta har på betalingsfristar og purring.
Ta utgangspunkt i årsrekneskapen til bedrifta, og finn dei følgjande hovudpostane i resultatrekneskapen:
Resultatrekneskap | Kroner |
|---|---|
Sum driftsinntekter | |
Varekostnader | |
Lønskostnader | |
Avskrivingar | |
Andre driftskostnader | |
Driftsresultat | |
Sum finansinntekter | |
Sum finanskostnader | |
Resultat før skattekostnad | |
Skatt | |
Årsresultat |
Ta utgangspunkt i årsrekneskapen til bedrifta og finn dei følgjande hovudpostane i balansen:
Balanse | Kroner | |
|---|---|---|
Eigedelar | ||
Sum anleggsmidlar | ||
Sum omløpsmidlar | ||
Sum eigedelar | ||
Eigenkapital og gjeld | ||
Eigenkapital | ||
Langsiktig gjeld | ||
Kortsiktig gjeld | ||
Sum eigenkapital og gjeld |
Korleis blir rekneskapstala gjennom året rapporterte til leiinga og styret? Blir det lagd rekneskap månadleg, kvartalsvis og halvårleg?
Kva synest du om økonomien i bedrifta?
Tips til lærar
Oppgåva passar fint som ein del av loggen eleven skriv frå praksis, eller som ei individuell skriftleg innlevering.