Skriftleg oppgåve– samanlikn kulturelle verdiar i to dramaseriar

Målet med denne oppgåva er

• å utforske sentrale trekk ved den internasjonale mediestrukturen

• å øve på kritisk vurdering av fiktive medieforteljingar

• å forstå korleis medieforteljingar kan skape respekt og forståing mellom folk og kulturar, men også stereotypiar og fordommar

Forklar og gi døme på desse omgrepa:

• menneskesyn

• verdiformidling

• kritisk medieforståing

• kulturimperialisme

Skriv ei kort melding (anmeldelse) av ein ny utanlandsk dramaserie. Vurder i kva grad serien kan appellere til unge i Noreg.

Populærkulturen bidreg til å byggje identiteten vår. Det gjeld ikkje minst den musikken vi lyttar til og dei dramaseriane vi ser som unge.

I denne oppgåva skal du samanlikne menneskesyn og verdiar i to dramaseriar. Korleis avspeglar seriane den kulturen dei er blitt til i? Og kva påverknad kan seriane ha på unge i andre kulturar?

Vel to seriar som du kjenner godt og har sett fleire episodar av. Den eine serien skal vere amerikansk, og den andre serien skal vere produsert i ein annan verdsdel (Afrika, Asia eller Europa).