Målet med denne oppgåva er
å utforske sentrale trekk ved den internasjonale mediestrukturen og mediepolitikken
å utforske konsekvensane av global mediedistribusjon
å drøfte korleis ny teknologi endrar produksjonen og distribusjonen av medieinnhald
å vise at du kan planleggje, utvikle og presentere eigne medieforteljingar på nye måtar og følgje sjangerkrava
å øve på å løyse ei munnleg-praktisk eksamensoppgåve
Arbeidsoppdrag
Dette arbeidsoppdraget skal de løyse i små grupper.
Lag ein videoblogg om kva som kjenneteiknar den internasjonale mediestrukturen i dag.
Stikkord:
eigarkonsentrasjon
global distribusjon av medieinnhald
globale kommunikasjonsplattformer
mediepolitiske utfordringar
kulturpåverking
Oppdraget krev god teoretisk kunnskap og grundig research.
Målgruppa er medieelevar i vidaregåande opplæring.
Videobloggen skal ha ei forteljande form, men også problematisere ulike sider ved medieutviklinga i vår tid.
Bruk verkemiddel som er typiske for sjangeren videoblogg.
Etterarbeid og eigenrefleksjon
Del videobloggen i ei lukka gruppe i sosiale medium med resten av elevane i klassen og med læraren din. Be dei om å bruke kommentarfeltet til å gi tilbakemeldingar om innhaldet i og forma på videobloggen.
Lag ein individuell refleksjonsrapport der du reflekterer over produksjonsprosessen og det du lærte om den internasjonale mediestrukturen i dag mens du laga videobloggen. Bruk gjerne refleksjonsmalen nedanfor.