Å vere klar over dine eigne verdiar har betyding for arbeidet du gjer som barne- og ungdomsarbeidar. Verdiar er noko vi verdset, altså det som er viktig for oss. Verdiane dine påverkar både haldningane og handlingane dine.
Oppgåver
- Kva verdiar har du som er viktige for deg? (Kva brenn du for? Kva er viktig for deg?)
- Korleis kjem verdiane dine til uttrykk i ulike situasjonar?
- Tenk på ein gong då ein person gjorde noko for deg som kjendest bra.
- Beskriv bakgrunnen for situasjonen.
- Kva gjorde personen? Korleis snakka vedkommande til deg? Korleis var kroppsspråket?
- Korleis følte du deg?
- Kvifor gav denne situasjonen deg ei god kjensle?
- Kva eigenskapar har denne personen, som du meiner er viktige?
Tenk gjennom fleire slike situasjonar, og reflekter rundt svara du får på spørsmåla.
- Kva verdiar ligg til grunn for svara dine?
- Utforsk om nokre av desse verdiane samsvarer med dei grunnleggjande verdiane ein bør ha når ein arbeider med barn.
CC BY-SASkrive av Siv Stai.
Sist fagleg oppdatert 26.09.2020