Eigenvurdering filmproduksjon

Opne bilete i eit nytt vindauge

CC BY-NC-SA

Bilete: Album

Svarer du ja på spørsmåla nedanfor, har du god greie på filmproduksjon.

• Eg er kjend med kameraet, tekniske spesifikasjonar og korleis eg førebur opptak.

• Eg kjenner til fagomgrep om kamerarørsler, utsnitt og perspektiv.

• Eg kan ein del om oppløysing og biletformat i ein videoproduksjon.

• Eg kan redigere videofiler i eit eigna redigeringsprogram og eksportere i riktig filformat.

• Eg kjenner til dei mest typiske dramaturgimodellane, som Hollywood-modellen.

• Eg kan gjennomføre ein enkel videoproduksjon.

• Eg har brukt storyboard i planlegginga av ein produksjon.

• Eg kan lage synopsis og eit enkelt manus.

• Eg har øvd meg på kontinuitetsklipping og forstår kva som blir meint med aksebrot og jump cut.

• Eg kan planleggje ein filmproduksjon frå A til Å.

• Eg har prøvd å lage ein dramaturgi med anslag, vendepunkt og klimaks.

• Eg har vorte meir klar over karakterutvikling og korleis eg kan lage interessante fiktive personar.

• Eg har fått trening i å gjere forarbeid slik dei gjer i filmbransjen.

• Eg har skrive manus i eit manusprogram.

• Eg veit kva skotliste og produksjonsplan er.

• Eg har drive med iscenesetjing og forstår kva som blir meint med scenografi.

• Eg kan publisere produksjonen min i passande format og i eigna kanal.