Fagstoff

Slik introduserer du ein filmkarakter

I ein fiksjonsfilm eller ein dokumentarfilm må sjåarane bli kjende med personane filmen handlar om. I dette filmklippet blir ein mannleg karakter introdusert. Kva veit vi om denne personen gjennom det vi får sjå så langt i filmen?

I filmen sit ein mann på ein traktor og sjekkar noko på eit nettbrett. Han tek bussen inn til byen, legg seg inn på hotell og møter ei kvinne.

CC BY-NC-ND

Video: Tom Knudsen

I filmproduksjon må alt vere gjennomtenkt. Det blir teke mange val, og ingenting kan vere tilfeldig. Sjølv små detaljar i biletutsnitt bidreg til å fortelje viktige sider ved karakterar, og dei bidreg til framdrift i forteljinga.

Kva fortel bileta oss om karakteren i filmen, og kva har bileta å seie for korleis vi forstår hendingane i forteljinga?