Oppgave
Fordjupingsoppgåve – fisk
Med denne oppgåva skal du bli betre kjend med ein fisk ved å fordjupe deg i ein fiskesort. Viss du følgjer med når dei andre i klassen presenterer fiskesortane sine, lærer du masse om fisk!
Bilete: Christine Olsson / CC BY-NC-SA 4.0
- I oppgåve 1 skal du velje deg ein type fisk som du skal fordjupe deg i. Oppgåva skal presenterast på valfri måte for lærar og medelevar.
- I oppgåve 2 skal du beskrive grunnleggjande tillagingsmetodar samt kjernetemperatur. Denne delen skal ikkje presenterast, du skal i staden gjere ho skriftleg og levere ho inn.
- I oppgåve 3 skal du lage og presentere ein rett med fisketypen du valde i oppgåve 1.
Slå opp og finn fagstoff i fiskeleksikonet.
Les om ulike fiskeartar og om tillaging av fisk på 3iuka.no.
Oppgåve 1
Vel deg ein fiskesort, og arbeid vidare med denne ved å fordjupe deg i desse temaa:
- beskrivingar av fiskesort (mellom anna feitleiksgrad)
- næringsinnhald og eventuell helsegevinst
- bruksområde
- oppbevaring på kort og lang sikt
- berekning av mengd – både filet og heil fisk
- kjernetemperatur
- hygienekrav ved stell og oppbevaring av fiskesorten
- oppskrift på ein klassisk rett med denne fisken samt tilbehøyr
Oppgåve 2
Denne oppgåva skal leverast inn saman med det andre fagstoffet, men ikkje presenterast.
Beskriv framgangsmetoden og viktige element for å få eit godt resultat for desse grunnleggjande oppskriftene:
- fiskekraft
- fiskefarse
Oppgåve 3
Klassen lagar ein buffé og lagar til og presenterer rettane som kvar enkelt elev har funne oppskrift på.
- Skriv ei bestillingsliste.
- Lag ein arbeidsplan.
- Lag retten på kjøkenet.