Her skal du få eit innblikk i korleis vi startar ein trefasa asynkronmotor med stjerne/trekant-vendar. Vi bruker stjerne/trekant-vendar dersom vi har behov for ein mjukare start eller eit lågare moment i startaugneblinken, eller dersom straumnettet ikkje er «stivt» nok, slik at ein stor startstraum forårsakar uønskt belasting på nettet.
Denne startmetoden blir òg brukt på motorar i mindre fartøy til sjøs.
Denne installasjonen kunne vore brukt til å starte pumper som krev lågt startmoment, eller til å starte ein stor motor som driv ei vifte som har kilereimer, for å skåne reimene i oppstarten.
For å oppnå mjuk start av ein motor kan vi òg bruke ein eigen mjukstartar. Dette kjem det meir om i ein annan læringsressurs.
Arbeidsoppdrag
I dette arbeidsoppdraget skal du kunne køyre ein trefasa 230 V asynkronmotor ved hjelp av ein stjerne/trekant-vendar.
Planlegging
Dette er dokumentasjon som skal vurderast og leverast til lærar:
Start
- hovudstraum (start med ein kladd)
- styrestraum (start med ein kladd)
- arrangementsteikning
- funksjonsbeskriving
- rekkjeklemmetabell
Gjennomføring
- montere opp utstyret
- kople opp hovudstraum og styrestraum
- teste ut og setje i drift utstyret saman med lærar
- dokumentere, vurdere og kontrollere arbeidet ditt
Verktøy du kan få bruk for
- avbitartong
- kabeltong
- nitetong/endehylsetong
- fleire typar skrujern
- multimeter
- straumtong
Døme på skjema over hovudstraum og styrestraum for stjerne/trekant-vendar
