Hopp til innhald

Oppgåver og aktivitetar

Podkast: Etiske modellar

Etiske modellar kan hjelpe deg med å svare på vanskelege moralske spørsmål. Lytt til ein podkast med Einar Duenger Bøhn, som er professor i filosofi, og reflekter over ulike moralske problemstillingar.

Oppgåve 1. Før du lyttar til podkasten

  1. Kva er etiske modellar?

  2. Kvifor kan det vere nyttig å lære om ulike etiske modellar?

  3. Kva for konkrete etiske spørsmål og dilemma tenkjer du det kunne vore nyttig å diskutere ved hjelp av etiske teoriar og modellar? Gi døme.

Oppgåve 2. Nøkkelord og refleksjonsnotat

Skriv nøkkelord mens du lyttar til podkasten og bruk dei til å skrive eit kort refleksjonsnotat. Under podkasten finn du eit digitalt skjema du kan bruke.

Ein mann balanserer på ei line med ei vektskål. Illustrasjon.

Etiske modellar

Kva er etiske modellar? Professor i filosofi, Einar Duenger Bøhn, forklarer kva pliktetikk, konsekvensetikk og dydsetikk er og viser korleis desse modellane kan brukast til å diskutere etiske problems...

0:00
-0:00
CC BY-SA
Podkast: Både Og AS
CC BY-NC
Bilete: Gary Waters

Oppgåve 3. Spørsmål til podkasten

  1. Bruk desse etiske modellane til å grunngi kvifor det kan vere gale å jukse på ei prøve:

    • konsekevensetikk

    • dydsetikk

    • pliktetikk

  2. Kva for nokre av dei etiske modellane er du mest einig i når det gjeld juksing på ei prøve. Grunngi svaret.

  3. Finn eit par døme på dei etiske modellane i ulike religionar.

  4. Vel ei av dei moralske problemstillingane frå podkasten og diskuter dei ved hjelp av dei etiske modellane og dine eigne refleksjonar:

    • Kva skal du gjere viss du blir forelska i kjærasten til bestevennen?

    • Kvar går grensene for å lyge til foreldra dine?

    • Kva for moralske prinsipp bør vi bruke når vi programmerer sjølvstyrte bussar?

CC BY-SASkrive av Karl Henrik Aanesen.
Sist fagleg oppdatert 02.06.2022

Læringsressursar

Etiske modellar