Svart hotell skulle etter planen bli eit av dei mest miljøvennlege hotella i verda. Den planlagde plasseringa til hotellet er i botnen av Svartisen isbre, omgitt av fantastisk arktisk natur. Dei treng forslag til opplevingar i nærmiljøet som står i stil med konseptet, og har bedt deg om hjelp.
Sjølv om hotellet framleis ikkje er bygd på grunn av økonomiske utfordringar, lever draumen.
Oppgåve
Jobb åleine eller saman med ein klassekamerat.
Les om Svart hotell, og set dykk inn i det spektakulære konseptet og omgivnadene rundt.
- Lag eit forslag til ei reiselivsoppleving hotellet kan selje til gjestene sine. Opplevinga må leggje vekt på berekraft, etikk og lønsemd.
- Lag ein reportasje som skal publiserast i eit reiselivsmagasin, der de presenterer det heilskaplege reiselivsproduktet Svart hotell. Reportasjen må innehalde ei oversikt over andre aktørar det er aktuelt for hotellet å samarbeide med.
Svart hotell
Du kan lese om Svart hotell på svart.no. Teksten er på engelsk.
I klassen:
Presenter forslaga for kvarandre, og forklar korleis berekraft, lønsemd og etikk er vektlagd.
Gi kvarandre tilbakemeldingar, og endre forslaga i tråd med tilbakemeldingane.
Saml forslaga i eit dokument.
Diskuter fordelar og ulemper med etablering av eit reiselivsprodukt i desse omgivnadene.
CC BY-SASkrive av Cathrine Meyer Johansen.
Sist fagleg oppdatert 19.03.2021