Språk er lydar som er sette saman for å skape meining. Vi bruker lydane til å bygge ord, og vi set saman ord til setningar etter bestemde reglar. Språket tilbyr oss òg ei mengd verktøy, slik at vi kan få sagt og skrive alt vi vil – i alle fall nesten!

Kva språk kan du? Og kva vil det seie å kunne eit språk? I norskfaget er målet at du skal bli ein trygg språkbrukar. Lær om det norske språket ved å samanlikne det med førstespråket ditt og andre språk du kjenner.