Grøne gründerar

I eit samfunn med auka fokus på berekraftig utvikling er det ein stadig større marknad for forretningsidéar som tek utgangspunkt i miljømessig, økonomisk og sosial berekraft.

Grøn gründerskap kan til dømes knytast til teknologi for fornybar energi eller løysingar for å redusere avfall og klimautslepp. Sophie Wiik, gründer av Too Good To Go, er ein av mange som har sett forretningsmogelegheiter i berekraftsutfordringane. Ho meiner det er ein stor marknad for grøn gründerskap og har uttalt følgande:

FNs bærekraftsmål og miljøproblemene vi står overfor i dag, er verdens største forretningsmulighet. Det er der problemene er at vi kan finne løsningene. Og dette er noen av de største problemene vi står overfor i dag. Dermed er det der det er flest løsninger også, og masse potensial og muligheter. Det er vi som må rydde opp i det.

Northern Playground er eit klesmerke som har bygd forretningsidéen sin rundt eit aukande ønske i samfunnet om å bidra til å redusere verdas klesforbruk. Northern Playground seier sjølv at kleda deira ikkje er berekraftige og oppmodar oss til å kjøpe mindre og leike meir. Dei har òg uttalt at dei ønsker å forandre klesbransjen.

Nothern Playground tilbyr livtidsservice med gratis reparasjon av kleda dei sel. Dei vektlegg slitesterke materiale og tidlaust design, slik at kleda får så lang levetid som mogleg.

På nettsida si skriv Northern Playground:

Vår visjon er derfor å redusere verdens klesforbruk. Det gjør vi ved å utfordre hele forretningsmodellen til tekstilbransjen. Mens "alle" andre jobber for å fortelle deg at årets produkter er bedre enn fjorårets, skal vi jobbe for at du beholder klærne dine lenge. Helst for alltid. Fordi ingen bærekraftstiltak gjør noen forskjell så lenge produksjonen øker og øker. Noen må si det som det er: Volumet må ned!

Ifølge Jo Egil Tobiassen, gründer i Northern Playground, er det ikkje måten vi produserer eit enkeltprodukt på som skaper den store krisen, men det enorme volumet.

Northern Playground har fokus på berekraft i alle ledd, noko Jo Egil fortel meir om i podkasten nedanfor.

Grøne gründerar

I denne episoden skal vi besøke Jo Egil Tobiassen i Northern Playground. Dei reklamerer med at vi må kjøpe mindre. Kva gjer Jo Egil og Northern Playground for å bli mest mogleg berekraftige?Vis meir

Tekstversjon

1x

0:00

-0:00

Martin Skadal er ein gründer som har starta opp fleire ulike verksemder innan sosialt entreprenørskap, mellom anna den frivillige nettverksorganisasjonen World Saving Hustle og Altruism for Youth.

I tillegg er Martin podkastvert for podkasten Hjertesaker. Han meiner at gründerskapen hans blir kjenneteikna av altruisme, som handlar om å gjere ting for å hjelpe andre og gjere verda til ein betre stad. Martin har tru på at enkelmenneske kan gjere ein forskjell og kjempe mot urettferdig behandling av natur, dyr og menneske.

Marknadsføring og leiing

Grøn marknadsføring for ei betre verd

Martin Skadal er 25 år, bur i Bergen og leier i dag to frivillige organisasjonar. Den eine heiter World Saving Hustle og den andre Altruism for Youth. I tillegg har han ein "start-up" innanfor media s...Vis meir

Tekstversjon

1x

0:00

-0:00

Susanne og Annette Bastviken er søstrer og influensarar og står bak aksjeselskapet Radical Broccoli. Visjonen til Radical Broccoli er å gjere det trendy, gøy og lett å ha ein miljøvennleg livsstil og ta godt vare på seg sjølv. Søstrene har sterk tru på at det som er bra for oss, er bra for planeten også.

Radical Broccoli er eit selskap som er aktivt via sosiale medium. Dei har òg eigen podkast, nettbutikk, medlemsportal på nett og arrangerer ulike events. I tillegg har søstrene gitt ut boka Jordnært – Enkle tips til en mer miljøvennlig hverdag.

I 2019 blei Anette og Susanne nominerte til leiarstjerner i ei årleg kåring av Dagens næringsliv. I denne kåringa blir 30 leiarar under 30 år som fokuserer på FNs berekraftsmål, løfta fram.

Radical Broccoli har samarbeidd med store aktørar som Gunnhild Stordalens EAT, Rema og WWF.

For mange er det ei utfordring å klare å ete sunn mat i ein travel kvardag. Gründerane Vilde Regine Tellnes og Arve Førland starta derfor Healthy EATS, som har som forretningskonsept å gjere sunn hurtigmat tilgjengeleg og tidssparande.

På ulike lokasjonar i Noreg har Healthy EATS såkalla Healthy EATS Food Walls (matvegger). Dette er sjølvbetente smartkjøleskap som består av 48 glassluker med sunn og næringsrik mat og drikke. Sjå meir om konseptet til Healthy EATS i filmen nedanfor.

Gjenbruk er berekraftig, og mange ser på gjenbruk som tidsriktig og spennande. Tise er ein nettstad og ein app der du kan kjøpe og selje brukte klede, sko, vesker, smykker, klokker, kunst og diverse interiør.

Tise meiner dei kan gjere gjenbruk morosamare og meir inspirerande.