Vurder og formuler kommunikasjonsmål

1. Beskriv kort verksemda McDonald's.

2. Vurder reklamefilmen:

   • Kva er kommunikasjonsmålet til reklamen, meiner de? Formuler eit konkret kommunikasjonsmål.

   • Kven er kommunikasjonsmålgruppa?

   • Kva er bodskapen?

   • Kva for verkemiddel blir brukte?

3. Beskriv reklamefilmen og vurder han: Kor godt fungerer reklamen for kommunikasjonsmålet? Kvifor?

Vel ein eller fleire av diskusjonsoppgåvene nedanfor. Bruk fagomgrep aktivt i diskusjonane. Ha gjerne ei oppsummering i klassen til slutt.

1. Ein sjokoladefabrikk har innovasjon som ein av sine verdiar, og lanserer jamleg nye produkt.

   • Kva føringar gir dette for kommunikasjonsstrategiane til sjokoladefabrikken?

   • Diskuter og formuler moglege kommunikasjonsmål for sjokoladefabrikken.

2. Hurtigmatkjeder er kjende for låge lønningar og stressande arbeidsforhold.

   • Diskuter korleis kommunikasjonstiltak kan vinkle eit negativt omdømme til å bli positivt.

   • Korleis synest de McDonald's lykkast med dette i reklamefilmen sin?

3. Vel ein film de har sett der hovudrollekarakterane er leiketøysfigurar. Sjå traileren.

   • Diskuter kva kommunikasjonsmål som kan ligge bak ei så stor satsing som ein spelefilm.

Biletet under viser ein reklame frå Gildes kampanje i 1977 då dei hadde "Bondens eget merke" som slagord.

1. Formuler eit kommunikasjonsmål for Gildes reklame frå 1977.

2. Søk opp nyare reklamar frå Gilde på nett. I dag er visjonen til Gilde å vere i sentrum av måltidet. Verdiane er driftig, nyskapande, påliteleg og omtenksam. Formuler kommunikasjonmål med utgangspunkt i dagens visjon og verdiar.

3. Korleis har kommunikasjonsmåla til Gilde forandra seg sidan 1970-talet?

Oppgåva kan løysast åleine eller i gruppe.

1. Set deg inn i ei sjølvvald verksemd. Bruk nettsøk, utforsk verksemda sine nettsider, sjekk nyheiter, spør andre om kva dei veit, og korleis dei vil beskrive verksemda.

1. Bruk noko tid på å beskrive verksemda:

   • Kva for produkt?

   • Kva er historia?

   • Kva er forretningsidé, visjonar og verdiar?

   • Kva kjenneteiknar marknadsstrategien – slik du oppfattar han gjennom søk på nett?

   • Kva meiner du er hovudinntrykket forbrukarar har av verksemda?

   Hugs å føre på kjeldene du bruker.

2. Formuler fire konkrete kommunikasjonsmål for å påverke

   • kjennskap

   • kunnskap

   • haldningar og kjensler

   • åtferd

3. Vel eit av kommunikasjonsmåla og foreslå kommunikasjonsmålgruppe, bodskap, kommunikasjonstiltak og -kanal.