Utstyr
kaliumklorat (sikkerheitsdatablad for kaliumklorat)
gassbrennar
stativ med muffe og klemme
seigmenn eller anna søtt godteri
digeltong
reagensglas
Framgangsmåte
Set opp utstyret i eit avtrekksskap.
Tilsett 1 teskei kaliumklorat i eit reagensglas.
Bruk ein gassbrennar til å varme opp. Skru av gassbrennaren når kaliumkloratet har smelta.
Slepp forsiktig ein seigmann ned i reagensglaset.
Observer!
Diskuter
Kvar kjem all energien i denne reaksjonen frå?
Kva er stoffet som ligg igjen i reagensglaset?
Kva skjer når vi et og forbrenn ein seigmann i kroppane våre? Samanlikn med reaksjonen de nettopp har observert.
Dette forsøket svarer til "The Howling Gummy Bear"-eksperimentet.
Gummibjørnar eignar seg noko betre enn seigmenn fordi dei er mindre og dermed lettare å få oppi reagensglaset. Bruker du ein seigmann, kan du dele han i to eller skjere av armar og bein.
Reaksjonen som skjer, er ein redoksreaksjon.