I resepsjonen og på kontoret er du ein sentral servicemedarbeidar i verksemda. Du må yte service både internt til kollegaar og eksternt til kundar. Du må meistre digitale verktøy og utføre mange ulike administrative oppgåver.

Det er svært viktig for ei verksemd å måle kvalitet og service. Kundar som opplever at kvaliteten eller servicen ikkje svarer til forventingane, vil fort bli ein tidlegare kunde. I tillegg kan vi risikere at kunden spreier det negative inntrykket sitt til andre, til dømes gjennom sosiale medium.