Jobb raskare med hurtigtastar

Som oftast bruker du tastaturet på datamaskina til å skrive tekst. Men visste du at du òg kan gjere andre oppgåver ved å trykke på to eller tre tastar samtidig? Ved å bruke ulike kombinasjonar av tastar får du opp menyar med mange nyttige verktøy. Når vi held mange tastar inne samtidig, får vi det vi kallar hurtigtastar, noko som erstattar bruken av datamusa. Som namnet "hurtigtastar" seier, går det ofte hurtigare.

Med hurtigtastar kan du la datamusa kvile, og du slepp å ta hendene opp frå tastaturet for å kopiere, lime inn, lage feit tekst og så vidare.

Lær deg hurtigtastane for det du som oftast bruker datamusa til, som til dømes å markere og kopiere tekst, for deretter å lime han inn ein annan stad. I tabellen under har vi sett opp dei hurtigtastane du kan ha mykje bruk for i løpet av ein skuledag.